من طرف 
طبعا البوم تامر مكسر الدنيا
وبايع لحد دلوقت - وده كلام من مصدر موثوق - 10 مليون نسخه
وفي كلام انه حصل اكتتاب في البورصه على 5 مليون نسخه كمان
ده غير ال 318 ألف و423 نسخه ونص إلى اتباعوا في اوروبا (اصلهم هناك دقيقين قوي مش زينا بالبركه)
وعلى فكره
فيه طلب من دلوقت على ألبوم 2010 الجديد
وفيه اكتر من 12 مليون واحد في مصر والدول العربيه دفعوا خلو رجل في الألبوم الجديد لتامر
( ح اديكي بالبرطوشه )
واللي ح يصدره في اول 2010 الساعه 6 .. وح يعمله زفه كمانجات أو زفه دمياطي .. من شارع محمد علي
والحقيقه تامر بيقول ان فكرة الأغنيه الجديده ( ح اديكي بالبرطوشه ) كانت
التطور الطبيعي لحالة حب استمر من (طيييييييييييييييييييييبة قلبك - يا
بنت الإيه - خليها تاكلك ) فكان لازم تاخد بالبرطوشه !! والاستفتاءات ح
تغرق الدنيا حوالين ليه مخادتش بالجزمه .. وليه كانت البرطوشه احسن !!
الألبوم الجديد في مجموعه ضخمه من الأغاني
وعشان تامر بيحب يريح جمهوره .. فمنزل نفس الألحان والتوزيعات بتاعة مطربين تانيين .. عشان الناس متحسش بالغربه داخل الألبوم
ونظراً لموهبته الخارق .. فتامر يؤلف ويوزع ويلحن ويمثل ويستمر ويستمر
ويستمر .. فقد قرر ان يكون الألبوم الجديد يحمل شعار ن1 .. وهو نفس شعار
رجل المستحيل
وقد اكد تامر بأنه سيحرك اطرافه الأربعه في آن واحد اثناء الغناء .. وانه
لولا وفاة الفنانة ام كلثوم المفاجئة .. لكان عمل دويتو معاها
ولذلك يظهر في صور الألبوم .. وهو ممسك بالمنديل .. وذلك كان اشاره سريه
.. وتمهيداً لاشتراكه معاها في دويتو مشترك .. ولكن ملك الموت لم يمهلهم
الفرصه !!!!!
(( منقول .. من واحد اسلوبه حلو اوى وعجبنى قولت لازم مفوتوش ))
ودى حاجة هدية فوق الموضوع
